DKT MWINYI: MAAGIZO MATATU AKIZINDUA FLYOVER


 Na Mwandishi Wetu. Zanzibar

RAIS wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi amezindua barabara ya juu (Flyover), eneo la Mwanakwerekwe, Wilaya ya Magharibi 'B', Mkoa wa Mjini Magharibi na kutoa maagizo matatu kwa wananchi ili serikali iweze kutimiza utekelezaji wa miradi ya maendeleo ambayo inaenda kuinua hali  ya maisha ya walio wengi na kukuza uchumi na pato la Taifa.

Akizungumza wakati wa kuzindua barabara hiyo ambayo imegharimu TSh.Bilioni 23.7, Dkt. Mwinyi alisema jambo la awali anawaomba wananchi kuitunza miundombinu ya barabara, madaraja na flyover zinazojengwa kwani hayo ndio maendeleo ya kweli na barabara zinapojengwa katika maeneo wanayoishi thamani ya nyumba na ardhi zao zinaongezeka.

"Leo hapa tukizungumzia nyumba zilizopo pembeni ya barabara hii bei zake sio zile za zamani na si mjini tu bali hata vijijini zilipopita barabara thamani ya ardhi imepanda, nyumba zimepanda ili mradi maendeleo  ya kweli husababishwa na miundombinu" alisema.

Rais Dkt. Mwinyi ambaye alikubali iitwe Dkt. Hussein Mwinyi Flyover alisema, kauli mbiu ya CCM wakati wa Uchaguzi Mkuu wa Zanzibar 2025 ni  'Uongozi unaoacha alama' hivyo anafurahi kuzindua flyover  ya kwanza Zanzibar na kwamba kaulimbiu hiyo inatekelezwa kwa vitendo wananchi wana dhamana ya kuitunza miundombinu illi idumu muda mrefu na kubaki kama lilivyo sasa.

"Sio limeharibiwa, haribiwa, limegongwa taa zimevunjika. Tunataka libaki lilivyo kwa miaka mingi ijayo ili vizazi vijavyo waone alama tuliyoiacha" alisema Rais Dkt. Mwinyi.

Agizo la pili alisema Dkt. Mwinyi kuwa anawaomba wananchi wawe tayari kupisha miradi na serikali itatoa fidia stahiki.

Alisema mtu mmoja asipokubali kuondoka kupisha mradi anakuwa haitendei haki nchi kwani maendeleo yanayofanyika ni kwa manufaa ya umma na si mtu mmoja.

Rais Dkt. Mwinyi aliwatoa hofu wale wenye mashaka ya upatikanaji fidia kuwa serikali haitomdhulumu mtu kila mmoja atapata stahiki zake.

"Mtupe nafasi ya kuleta maendeleo msiwe kikwazo cha maendeleo katika nchi" alisema.

Alibainisha kuwa anajua kuwepo kwa malalamiko kuhusiana na fidia kwa wanaopisha miradi ndio maana hivi karibuni ameunda kamati kufuatilia na kila mmoja atapata haki yake.

Rais  Dkt. Mwinyi alisisitiza kuwa jambo la tatu aliisha sema na anarudia kuwataka wananchi kutokujenga kwenye hifadhi ya barabara kwani ni kwa ajili ya huduma zingine za jamii.

"Msijenge kwenye hifadhi ya barabara sababu  tunakusudia huduma za maji, umeme, Internet, umeme na njia za waenda kwa miguu hivyo nawaombeni sana nafasi hizi zisijengwe" alisema na kuongeza kuwa njia pekee za kupitisha huduma hizo ni katika hifadhi ya barabara.

"Leo tumejenga barabara kesho maji tunapitisha wapi kwa hata nyaya za umeme zinatakiwa kupita ardhini na sio  juu" alisema na kuwataka wananchi kuzingatia maombi na maagizo hayo kwa maendeleo yao na umma kwa ujumla.


Awali Mhandisi Ali Said Bakari alisema Flyover hiyo ina uwezo ea kuhimili hadi tani 70 na imezingatia usalama wa watumiaji ina upana wa mita 40 na njia za waenda kwa miguu.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more