DC MAGOTI: KIJANA HUJAPATÀ ENEO LA KILIMO? Ni-dm Instagram


                             

                                                   Na Mwandishi Wetu, Kisarawe Pwani.

MKUU wa Wilaya Kisarawe, Petro Magoti amewataka vijana ambao bado hawajapata maeneo ya kilimo, wamtumie ujumbe wa maneno ‘DC Sijapewa eneo la kilimo’ katika Instagram yake petromagoti.

Akizungumza 13 Januari 2026 wakati wa ziara ya kukagua maeneo waliyopewa vijana kwa ajili ya kilimo na kuacha kukaa kijiweni, wilayani humo, Mkuu huyo wa wilaya alisema kulingana na utafiti aliofanya na kuzungumza na wenyeviti wa vijiji maeneo bado yapo.


Kisarawe tuna eneo kubwa sana kwa kilimo na hakuna ukame mvua ni mara mbili kwa mwaka” alisema na kuongeza kuwa hakuna kijana kukaa kijiweni na kucheza pool muda wa saa mbili asubuhi hadi saa saba mchana kwani muda huo ni wa kazi na atakayebainika atamueleza anaishije.

“Utanieleza, unalipaje bili ya maji, umeme unakula, kulaje sababu kutwa nzima upo stendi na wale ambao mnasema hamna maeneo mnakuja kupewa eka mbili” alisema na kuongeza kuwa trekta lipo limeletwa wilayani humo na Rais wa Jamhuri ya Muungano wa Tanzania, Samia Suluhu Hassan.

Alisema hakuna kijana kukaa kijiweni  na anawabainisha wanadai kuwa anawapangiaje kazi kuwa hilo ni agizo la serikali hakuna kuhoji asiye nalo awasiliane nae.

Alisema atafanya ukaguzi kila sehemu kuhakikisha agizo la kutocheza Pool muda wa kazi na pia ameagiza watoto wenye ulemavu wapelekwe shuleni kuandikishwa.

Mkuu huyo wa wilaya alisema amewaagiza wakuu wa shule, walimu wakuu na maofisa elimu msingi na sekondari kuwapokea wanafunzi hata kama vifaa wanavyotakiwa kuwa navyo havijakamilika.

“Hata kama mtoto hana sare za shule apokelewe na mzazi apewe muda wa kukamilisha kwani sare sio zinazosoma ni utambulisho tu wa mwanafunzi” alisema.

Magoti amewataka wazazi wasio na uwezo kuonana nae ofisini kwake kujadiliana na kusisitiza awe kweli hana uwezo ikibainika ameongopa atachukuliwa hatua  ikiwa ni pamoja na kupewa adhabu ya kulimishwa shamba lenye ukubwa wa ekari tatu.



 

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more