CCM YAMTEUA DKT. KOMBA UBUNGE PERAMIHO


                                           Na Mwandishi Wetu, Zanzibar

KAMATI Kuu ya Halmashauri Kuu  ya CCM Taifa imemteua Dkt. Lazaro Kilian Komba kuwa mgombea ubunge  Jimbo la Peramiho katika uchaguzi mdogo  unaotarajiwa kufanyika baadae mwaka huu 2026 kufuatia kifo cha aliyekuwa Mbunge wa Jimbo hilo, Jenister Mhagama lililopo Wilaya ya Songea  Vijijini, Mkoa wa Ruvuma.

Kikao cha kamati  hiyo kimefanya  uteuzi huo kwa kuzingatia mamlaka iliyopewa chini ya Ibara ya 105 (7)(f) ya Katiba ya CCM  ya Mwaka 1977 toleo la Julai 2025.

Taarifa kwa vyombo vya habari iliyosainiwa na Katibu wa Halmashauri Kuu CCM Taifa (NEC), Itikadi, Uenezi na Mafunzo, Kenan Kiongosi, pia kamati hiyo imewachagua  wagombea  wa  nafasi mbalimbali  bungeni.

"Kamati Kuu ya Halmashauri Kuu CCM Taifa tarehe 25 Januari 2026 imepitia na kujadili kishja  kufanya uteuzi  wa wagombea uongozi wa CCM wanaotokana na Bunge la Jamhuri  ya Muungano wa  Tanzania" inasema sehemu  ya taarifa hiyo.

Inawataja wajumbe wa Halmashauri Kuu  CCM Taifa wanaotokana na  Bunge toka Bara (nafasi 3) kuwa  ni Paul Makonda na Livingstone Lusinde wakati wanawake (nafasi  1) ni Asia Abdulkarim Halamga.

Wanaotokana  na Bunge Zanzibar (nafasi 2) ambao ni Khamis Mussa Omary na wanawake ni Tauhida Cassian Galos na Katibu wa Wabunge wote (nafasi 1) ameteuliwa Agnes Elias Hokororo.

Wenyeviti wa Bunge (nafasi 3) nao ni Najma Murtaza Giga, Deodatus Philipo Mwanyika, Cecilia Daniel Pareso pia kamati hiyo imefanya uteuzi wa wagombea uongozi CCM wanaotokana na Baraza la Wawakilishi.

Wanaume (nafasi 2) ni pamoja na Said Ali Juma, Hamza Hassan Juma na wanawake (1), Lela Mohammed Mussa.

Wawakilishi wa CCM wanaoingia Bungeni kwa Mujibu wa Katiba ya Jamhuri ya Muungano wa Tanzania wanaume (nafasi 3), Bakar Hamad Bakari, Dkt. Shahame Ali Ali na Simai Mohamed Said wakati wanawake (nafasi 1), Fatma Ramadhan Mandoba na Katibu wa Wawakilishi wote (nafasi 1), Machano Othmam Said.

Wenyeviti Baraza la Wawakilishi (nafasi 1) ni Mahmoud Omary Hamad na Udhaima Mbarak Tahir.

Comments

Post a Comment

Popular posts from this blog

CCM YAISHUKURU SMZ, WAKAZI KIKWAJUNI

Image
                                         Na Mwandishi Wetu, Zanzibar CHAMA Cha Mapinduzi (CCM), kimeipongeza Serikali ya Mapinduzi Zanzibar (SMZ) na wakazi wa majumba ya Mjerumani Kikwajuni kwa kufikia maridhiano ambayo sasa yanatoa nafasi ya kuanza utekelezaji wa mradi ujenzi wa nyumba bora za kisasa ambazo zinatarajiwa kubadili mandhari ya Mji wa Unguja. Akizungumza na wanahabari waliofika ofisini kwake, leo 05 Machi 2026, CCM Kisiwandui kujua kinachoendelea kwenye mradi huo kutokana na kujitokeza sintofahamu baina ya baadhi ya wakazi na serikali, Katibu wa Kamati Maalum NEC Zanzibar Idara ya Itikadi, Uenezi na Mafunzo Khamis Mbeto Khamis alisema kufuatia maridhiano hayo mradi huo wenye thamani ya zaidi ya Dola za Marekani Milioni 45 sasa unaenda kutekelezwa. Alisema tayari Tsh.Bilioni 1.8 zimelipwa kwa wananchi waliokuwa wakiishi katika nyumba zilizopo katika maghorofa hayo yaliy...
Read more

CCM YAONYA WATEULE MIUNDOMBINU ZANZIBAR

Image
                                          Mwandishi Wetu, Zanzibar CHAMA cha Mapinduzi (CCM), kimesema hakitamvumilia mteule yeyote wa Rais wa Awamu ya Nane, Dkt. Hussein Ali Mwinyi wala taasisi yoyote itakayoshindwa kusimamia utunzaji wa miundombinu ya  kisasa  inayojengwa  Zanzibar kwa ajili ya maendeleo ya wananchi. Akitoa tathmini   ya ziara inayoendelea ya Rais Dkt. Mwinyi  ya uzinduzi wa miradi mbalimbali ya maendeleo ikiwa ni sehemu ya maadhimisho ya siku ya Mapinduzi ya Zanzibar, Katibu wa  Kamati Maalum NEC, Zanzibar Idara  ya  Itikadi,Uenezi na Mafunzo Khamis Mbeto Khamis  alisema  kote walipoenda katika ziara hiyo, Rais Dkt. Hussein Mwinyi anasisitiza utunzaji miundombinu. "CCM tunaunga mkono kauli yake na tunafuatilia na tunasisitiza kuwa hatutamvumilia mteule  au mtendaji yeyote atakaye zembea kwenye eneo lake n...
Read more

TRA YATAKIWA IJIPANGE DIRA MAENDELEO YA TAIFA

Image
 WAZIRI wa Fedha, Balozi Khamis Mussa Omar, ameiagiza Mamlaka ya Mapato Tanzania (TRA), ijipange ipasavyo kuhakikisha kuwa inachangia upatikanaji wa rasilimali fedha kwa ajili ya kufanikisha utekelezaji wa Dira ya Maendeleo ya Taifa ya 2050 ambayo imeainisha kuwa na uwiano wa Pato la Taifa wa TSh.Trilioni 1 ifikapo mwaka 2050. Balozi Omar alisema hayo alipokutana na kuzungumza na Bodi ya Wakurugenzi na Menejimenti ya TRA wakati wa ziara yake ya kikazi katika Mamlaka hiyo, ikiwa na mara yake ya kwanza Tangu ateuliwe na Dkt. Samia Suluhu Hassan, Rais wa Jamhuri ya Muungano wa Tanzania kushika wadhifa huo hivi karibuni. Alisema kuwa Dira iliyomaliza muda wake iliitaka Tanzania kufikisha uwiano wa Pato la Taifa wa Dola za Marekani bilioni 90 hadi kufikia mwaka 2025 lakini makadirio mapya yanataka kiwango hicho kifikie dola za Marekani Trilioni 1 ambazo TRA inatakiwa kujipanga ipasavyo kufanikisha upatikanaji wa fedha hizo kwa kiwango cha asilimia 70 ili kutekeleza Dira hiyo ipasavyo. B...
Read more